مشكلة عضوة ضربها زوجها ليختبر انها لن تحكي لاحد
انا متجوزه من شهر ونص جوزي طيب وحنين وكل حاجه بس حصل معايا موقف كده بعد اول اسبوع جواز حصل بينا مشكله بسيطه كده لقيته زعقلي وضربني اه هو ضرب خفيف
بس زعيق وبحلقه خفت بصراحه واتصدمت راح سابني ونزل ونا كنت مش مصدقه اللي حصل بعد نص ساعه لقيته جه خبط عليا في الاوضه و بيقولي ادخل سكت رآح داخل وبيقولي هسألك سؤال واحد بس انتي
حكيتي لامك او حد اننا اتخانقنا قلتله ده اللي هامك قالي اه قلتله متخفش مقولتش لحد حاجه قالي طيب تعالي انا نزلت جبت عشا وموجود برة علي السفره نتعشي واقولك الحقيقه مرضتش
اكل اوي غير لما باس علي راسي وحلف عليا المهم قالي ايه بقي انا كنت بختبرك واشوف كل حاجه هتروحي تحكيها ولا هنحل مشاكلنا لوحدنا
وكمان كنت بعرفك طبعي مع اني والله الحكايه مش حاجة يعني مشكله هايفه المهم محكتش فعلاً لحد غير لواحده صحبتي قالتلي جوزك مش سهل كان عايز يوصلك رساله معينه ووصلها
انا بقي مش عارفه اعمل ايه احكي لأهلي ولا خلاص الموضوع عدي وخلص وهو بصراحه من بعدها مفيش حاجه خالص بس انا قلقانه من موضوع الضرب ده لحسن يتكرر
تمت اذا اعجبتكم قولولنا رايكم في التعليقات
ان انتهيتم من القراءه صلوا على خير خلق الله
والله هيرضيكم . صلى الله عليه وسلم.